ఏమని వర్ణించను..

ఏమని వర్ణించను..

- కరణం కళ్యాణ్ కృష్ణకుమార్

03.03.2014

దారెంట పూలు వాడెను కదా..
తుమ్మెదలు తమను విడిచి
నీ వెంట నడిచేవని..

గాలి తెమ్మెరలు సైతం 
పోటీ పడుతున్నాయి కదా..
నీ కురుల స్పర్శ కోసం..

సంధ్యా సమీరం 
ససేమిరా అంటోంది.. కదా..!
నిను తాకిన సంబరాన్నివర్ణించను

వెన్నెల మూతి ముడిచే కదా
నీ తేజో విలాసము చూసి
చిన్నబుచ్చుకుని...

మెరుపు నొచ్చుకునే కదా
నీ హాసపు తళుకులతో
తన కాంతి తగ్గెనని...

ధరణి మురిసేను కదా
నీ పద్మపాదముల 
స్పర్శతో పునీతమై...

హృదయం స్థంబించే కదా
నీ ఉచ్వాస నిశ్వాస 
వేణుగాన రాగానికి

నిద్రను మరిచే కదా
నినుచూసిన నయనాలు
ఆనందపరవశమై..

ఏమని వర్ణించను..
నీ లాస్య..రూపలావణ్యాన్ని
నేస్తమా..! సిరివెన్నెల జలపాతమా..!