//తన కోసం...//
_ కె.కె. కృష్ణ కుమార్, 09.08.2015
తను వస్తేనే తనువులు ..మనువాడినంత సంబరపడతాయ్
తను వస్తేనే కనులు.. సుషుప్త రెప్పల దుప్పటి తొలిగిస్తాయ్.
తను వస్తేనే మనసులు .. రెక్కలు తొడిగి రెపరెపలాడతాయ్..
తను వస్తేనే జీవులు.. సాగరన నావల్లే తేలిపోతాయ్..
తను వస్తేనే నేలమ్మ.. నేలమీదమ్మ లేత పాదాల గజ్జెలు ఘల్లు మంటాయ్...
లేత ఆకుల నుంచి ..
లేత కిరణాలు పంచి..
లేత మనసు ను గిలిగింతలెట్టే..
తను వస్తేనే..
సర్వం తెల్లారినట్లౌతుంది...
సకలం సాకారమౌతుంది..
No comments:
Post a Comment